Зелен парк на местото на дивата депонија во село Драчево

Општина Кисела Вода во селото Драчево почна активности за расчистување на една од најголемите диви депонии, на чие место напролет ќе има зелен парк со садници, патеки за прошетки и урбана опрема.

Како што соопшти Општина Кисела Вода, граѓаните ќе имаат парк за релаксација и уживање во природата, на површина од 5000 квадратни метри, на местото на депонијата која со години наназад, како што наведува, создаваше грда слика и го загадуваше воздухот.

Општината потсетува дека во близина на паркот кој наскоро ќе биде направен, пред две години во соработка со Град Скопје и ЈП „Паркови и зеленило“ е направена голема хортикултурно уредена зелена парковска површина.