Со двата гола против Наполи, Пандев стана највозрасен фудбалер со погодици и асистенции во актуелна сезона во топ 5 лигите

Со двата гола против неговиот поранешен тим Наполи, Горан Пандев покажа дека е „како старо вино“. Колку е постар толку е подобар. Мајсторот на фудбалската игра, воедно постави и нов рекорд, односно стана најстар фудбалер со 37 години кој во актуелната сезона бележи барем два погодоци и две асистенции во топ 5 лигите во Европа.

Воедно, со двата гола против Наполи, Пандев стигна до бројката од 97 голови во Калчо лигата, што го прави најефикасен стрелец од просторите на поранешна Југославија.