Двајца аргентински фудбалери обвинети за полов напад

Екипата на Велез Сарсфилд отстрани од тимот двајца стандардни фудбалери, откако тие официјално се обвинети за полов напад, соопшти аргентинскиот прволигаш.

Клубот обелодени дека станува збор за 24-годишниот дефанзивец Мигуел Бризуела и играчот за врска Тиаго Алмада (19). И двајцата фудбалери минатата сезона беа стандардни во екипата на тимот од Линиерс, предградие на Буенос Аирес.

-Донесовме одлука да ги отстраниме двајцата играчи од првиот тим сè додека нивниот случај не добие правна разврска, соопшти Велез.

Клубот и понудил на полицијата помош во истрагата, а на двајцата обвинети фудбалери им ставил на располагање помош од психолог.