Тед Лигерти ја заврши скијачката кариера

Трофејниот американски скијач Тед Лигерти одлучи малку порано од планираното да ја заврши својата кариера поради повреда на грбот.

Лигерти (36), кој претходно освои пет светски и две олимписки титули, планираше да ја заврши кариерата со настап во својата омилена дисциплина велеслалом на Светското првенство во Кортина д“ Ампецо што ќе се вози идната недела.

– Го имам најсилниот ишијас во животот. Не знам што го активираше. Магнетната резонанца покажа изместување на два диска и со сигурност не можам да скијам. Бев возбуден поради фактот дека можев да кажам збогум под сопствени услови. За жал, не било судено, мојот грб ми испрати порака дека тој е газда, изјави Лигерти.