Вардар двапати домаќин на норвешки Елверум во Лигата на шампиони

Двата натпревари меѓу Вардар 1961 и норвешки Елверум во рамки на Лигата на шампиони ќе се играат во Скопје, соопшти попладнево македонскиот ракометен првак.

Првиот меч е закажан за 21 февруари во 16 часот во салата „Јане Сандански“.

Вториот меч што првично требаше да се игра во Норвешка, ќе се игра, исто така. во „Јане Сандански“, на 24 февруари со почеток во 18,45 часот.

Вардар е последнопласиран во групата А со три бодови од седум натпревари, додека Елверум е место погоре на табелата со четири бодови од осум натпревари.