Триумф на ракометарите на Еурофарм Пелистер над дански ГОГ Гудме – 32:31

Ракометарите на Еурофарм Пелистер вечерва во Битола го совладаа актуелниот лидер во данскиот шампионат ГОГ Гудме со 32:31 (15:16).

Битолчани играа сигурно во текот на целиот натпревар, почнаа со водство од 5:2 (9 минута од натпреварот), на неколку минути пред крајот од средбата (57. минута од натпревари) водеа со 30:27, а потоа заслужено славеа со 32:31.

Победата на Еурофарм Пелистер е тимска, а посебно се истакнаа Мараш кој постигна 8, Периќ кој постигна 7 и Граџан кој постигна 6 голови, додека кај гостите најуспешен беше данскиот репрезентативец Емил Јакобсен кој постигна 12 голови, но најголем дел од нив со удар од 7 метри.

Со триумфот над ГОГ Гудме, тимот на Еурофарм Пелистер се искачи на второто место на ЕХФ табелата од групата „Д“ во европската ракометна лига и е зад германскиот Рајн-Некар Левен со кого следниот вторник ќе игра дерби натпревар во Битола.