Нов триумф на кошаркарите на Пелистер, шампионот МЗТ Скопје поразен

Екипата на Пелистер ја продолжи победничката серија во Првата македонска кошаркарска лига, триумфирајќи вечерва на гостински терен кај Гостивар со 100:80, додека кошаркарите на ФМП Академија со пресврт во последната четвртина го совладаа актуелниот шампион МЗТ Скопје Аеродром со 85:73.

Екипата на ТФТ Скопје лесно го совлада Вардар со 94:71, додека претходно во првиот меч од 17. коло, Еуро Никел 2005 стигна до убедлива победа против ослабениот состав на Црн Дрим Грин мобиле со 111:74.

Вечерва играат уште Куманово и Работнички, а колото ќе биде комплетирано в недела со натпреварот меѓу МЗТ Скопје Уни Банка и Кожув.