Ново улично осветлување во Радишани

Општина Бутел изврши комплетна реконструкција на уличното осветлување во населбата Радишани.

Од општинската прес-служба информираат дека старите и дотраени 125w живини светилки заменети се со нови 70w штедливи натриум светилки.

-Заменети се вкупно 190 светилки на сите улици, пешачки патеки кои се поврзуваат со локалните улици, како и детски игралишта.

На главната улица Скоевска заменети 100 позиции од старите 250w живини со нови 250w штедливи натриум светилки. Со ова населбата Радишани доби комплетно ново штедливо улично осветлување, а придобивките од истите е големата заштеда на електрична енергија и позитивното влијание на животната средина, соопштија од општината.

До сега, Општина Бутел Општина Бутел извршила комплетна реконструкција на уличното осветлување во населбите Скопје-Север, Бутел 2 и поголем дел од населбата Бутел 1.

Од општината најавуваат дека во следниот период интензивно ќе работат на менување на старите живини светилки во останатите населени места.