Почина диригентот Џејмс Левин

Џејмс Левин, еден од најпознатите диригенти во светот, кој работеше како музички директор на Метрополитен операта во Њујорк, почина на 77-годишна возраст.

– Џејмс Левин почина од природна смрт на 9 март 2021 година во Палм Спрингс, Калифорнија, САД, изјави денеска неговиот лекар, д-р Лен Хоровиц.

Левин соработувал со оперски певци како Лучијано Павароти, Пласидо Доминго, Рене Флеминг, Ана Нетребко, Роберто Алања. Сепак, неговата блескава кариера беше засенета од обвинувања за сексуална злоупотреба, што го натера да се повлече од јавниот живот.

Маестрото, кој ќе остане запаметен и по разбушавената коса, беше почитуван од публиката, певците и музичарите на Метрополитен операта. Тој е признат како еден од најистакнатите американски диригенти, покрај, на пр., Леонард Бернштајн. Диригирал повеќе од 2.500 претстави во 80 различни опери, по своето деби, 1971 година, во Метрополитен. Меѓу попознатите европски и американски оркестри, во таа смисла, се Минхенската филхармонија и Симфонискиот оркестар во Бостон.

Џејмс Левин се повлече од диригирањето во 2016 година, официјално – од здравствени причини. Но, во 2018 година бил отпуштен од и онака малкуте ангажмани во Метрополитен тогаш, откако тројца мажи се пожалија дека тој ги силувал како тинејџери во далечната 1968 година. Тој поднесе тужба за клевета и постигна вонсудска спогодба со Метрополитен, според којашто тој требаше да добие 3,5 милиони долари.