Се менува азбестниот покрив во ООУ „Ѓорче Петров“ во Дексион

Почна промената на покривот на основното училиште „Ѓорче Петров“ во населбата Дексион, каде што настава следат 350 ученици. Општина Ѓорче Петров соопшти дека по 50 години се вадат азбестните плочи и се поставува нов енегретски ефикасен покрив на површина од 3660 квадратни метри.

Градежните работи треба да завршат за три месеци. Азбестните цементни плочи се отстрануваат со посебна процедура и потоа ќе бидат однесени во депонијата Дрисла. Со новиот енергетски ефикасен покрив ќе се заштеди енергија, ќе се намалат трошоците за загревање и ќе се обезбеди поволна клима за работа.

– Новиот покрив ќе обезбеди висок степен на енергетска ефикасност со што, конечно, ќе се реши прблемот со постојниот азбестен, кој директно влијае врз здравјето на децата и вработените во училиштето. Општина Ѓорче Петров во рамките на своите надлежности, посветува особено внимание за развој и непречено одвивање на воспитно-образованиот процес и преку Министерството за образование и наука успеа да донесе уште една капитална инвестиција на својата територија, информира Општината.