Мејсон со победа дебитираше на клупата на Тотенхем

Екипата на Тотенхем вечерва во Премиер лигата триумфираше над Саутемптон со 2:1 во првиот натпревар предводен од клупата од Рајан Мејсон.

Раководството на Тотенхем претходно неделава го назначи 29-годишниот стратег за предводник на клубот од Лондон до крајот на сезоната, наследувајќи го Жозе Мурињо, кој беше отпуштен.

Тотенхем стигна до победата со пресврт, откако Дени Ингс ги донесе гостите во водство во 30. минута. Герет Бејл по еден час игра го израмни резултатот, а Сон од пенал во 89 минута беше прецизен за конечни 2:1 за тимот на Мејсон.

Тотенхем ја забележа 15. победа сезонава во Премиер лигата и со 53 бодови се наоѓа на шестото место, додека Саутемптон е на 14. место со 36 бодови.