ЈСП ќе сообраќа по изменет возен ред за празничниот викенд

ЈСП информираше дека во сабота, (1.05.2021 год) јавниот превоз ќе сообраќа по вообичаен возен ред, без временски ограничувања.

Во останатите денови од претстојниот, продолжен празничен викенд, односно во петок, недела и понеделник, автобусите ќе сообраќаат до 21 часот по неделен возен ред.

Во прилог се последните термини на поаѓање пред 21 часот во петок, недела и понеделник.

Во сабота (1.05.2021 год) и недела (2.05.2021 год), билетарниците и центрите за персонализација нема да работат.

Во петок (30.04.2021 год) и понеделник (3.05.2021 год), дежурни ќе бидат три билетарници, односно од 7 до 19.30 часот ќе работат билетарниците на Транспортен центар и Зелено пазарче, а од 7 до 13 часот отворена ќе биде билетарницата во Ѓорче Петров.

Ве потсетуваме дека услугите на ЈСП Скопје можат да се купат и на 100 локации од секундарната продажна мрежа (трафики, маркети, тобака).

Прегледот на локациите е достапен на веб и фејсбук страната на ЈСП Скопје.