Вардар по 14. пат го освои трофејот во ракометниот Куп на Македонија

Екипата на Вардар вечерва во Скопје го победи Еурофарм Пелистер со 26:24 во финалето на Купот на Македонија и по 14-ти пат го освои вредниот трофеј.

„Црвено-црните“ до победата дојдоа со подобра игра во текот на целиот меч, иако битолчани со подобра игра во финишот успеаја да внесат неизвесност пред крајот.

Пелистер Еурофарм во финалето беше значително ослабен со неиграњето на Стипе Мандалиниќ кој е повреден.

За најкорисен играч (МВП) на завршниот турнир е прогласен вардарецот Иван Чупиќ кој финалето го заокружи со седум гола.

Признанието за најдобар голман му беше доделено на Борко Ристовски исто така од Вардар, додека Периќ од Пелистер е најдобар стрелец на целиот турнир.

Веќе в четврток двете екипи ќе се сретнат во Битола во меч од плејофот по кој ќе биде познат и шампионот.