Французинот Тото го засили Вардар 1961

Македонскиот ракометен шампион Вардар 1961 ги засили редовите за следната сезона со францускиот интернационалец Жереми Тото.

Дваесет и деветгодишниот француски ракометар игра на позицијата пивотмен, а доаѓа од полската екипа Висла Плоцк, со која настапи на фајнлфорот во Лига Европа.

Шампионот Вардар во новата сезона ќе го предводи повратникот на тренерската клупа Веселин Вујовиќ, кој во петокот официјално беше назначен за наследник Стевче Алушовски.