Привршува хортикултурното уредување на паркот „9 Мај“

Привршува хортикултурното уредување на урбаниот парк „9 Мај“, кој почна да се гради по повод на Денот на Европа, соопшти денеска Општина Аеродром.

Паркот се гради според сите современи стандарди, а со цел, како што посочуваат, да ги задоволи потребите на граѓаните и нивното урбано живеење. Во рамки на овој парк има спортско и детско игралиште, патеки, клупи за одмор, како и хортикултурно уредување.

– Горди сме што ги практикуваме европските вредности и работиме на подобрување на еколошките стандарди, урбаното живеење и поквалитетниот начин на живот на граѓаните, вели во пишана изјава градоначалникот на Општина Аеродром Златко Марин. Тој додава дека е среќен што едно напуштено место, полека се претвора во прекрасно уреден парк.