Лазаров: Ќе ја играм мојата последна сезона

Капитенот на македонската ракометна репрезентација и член на Нант, Кирил Лазаров, по завршувањето на следната сезона ќе оди во „играчка“ пензија.

– Ова ќе биде сигурно последната година. Веќе донесов одлука. Кога ќе преброите, поминаа неколку години. Но, најважно е да се чувствувате добро, да бидете добри во вашето тело, да немате болка. Отсекогаш сум се трудел да бидам што попрофесионален. Секогаш се чувствувам во добра форма, го сакам спортот, го сакам ракометот и сакам да завршам без тешкотии, истакна Лазаров за клупскиот сајт на францускиот тим.

Лазаров треба да ја заврши кариерата во Нант во јуни 2022 година, на 42-годишна возраст.

Паралелно со професионалната кариера како играч, Лазаров ја извршува и селекторската функција во македонската репрезентација.