ОИ: Реприза од Рио во машкото ракометно финале

Ракометниот турнир во машка конкуренција на Игрите во Токио ќе биде реприза од финалната пресметка од Олимпијадата пред пет години во Рио де Женеиро кога во борбата за златниот медал се сретнаа Данска и Франција.

На Игрите во Рио 2016, Данска ја совлада Франција со 28:26, а каков ќе биде исходот во Токио ќе биде познато в сабота.

Данска обезбеди пласман во финалето, триумфирајќи над Шпанија со 27:23, додека Франција во второто полуфинале со идентичен резултат го совлада Египет.

За Данска ова е второ, а за Франција четврто олимписко финале.