„My Fire“ нова песна на Yon Idy

По кратка пауза во 2021 година, Yon Idy се враќа со најновиот сингл „My Fire“ кој го истражува сомнежот што секој од нас го носи во себе додека ги следиме сопствените страсти.

„My Fire“ е песна која Yon ја напишал во време кога се борел да го пронајде патот до музичкиот бизнис. Ги преточил чувствата во зборови за да си даде поддршка. „My Fire“ е песна создадена да ве стопли одвнатре. Првенствено, сакал да ја задржи песната за себе, но одлучил да ја пушти, откако од многумина добил позитивни коментари.

Yon е пејач-текстописец од Скопје. Пораснал опкружен со музика. Кога започнал да свири на гитара на 16-годишна возраст, ја открил љубовта кон пишување песни. Моментот бил толку природен што тој веднаш знаел дека тоа ќе биде неговата доживотна пасија. Тој постојано излегува од својта комфорна зона за да создава нови стилови. Неговиот музички стил може да се опише како indie-pop, на моменти воден од акустични инструменти. Во раното детство имал влијание од Leonard Cohen, the Beatles и Muse. Неговата музика може да се опише како комбинација од пејачот и бендовите, што може да се увиди во My Fire, која го има интимното наративно пеење со вокалот на Leonard Cohen, чувството на оркестарска продукција комбинирана со рок и блуз акордна прогресија која ја користат Muse, и поп мелодија, лесна за уво, која ги направи the Beatles најдобриот бенд на сите времиња.