Пиоли: Порто победи заслужено, Милан не беше на ниво

Тренерот на Милан, Стефано Пиоли, го призна поразот (0:1) од Порто во натпреварот од 3. коло во Лигата на шампионите.

– Овој меч е лесен за анализа. Направивме премалку. Игравме помалку компактно од вообичаеното, оставивме простор и бевме премногу невешти со топката. И, што ретко се случува, ни недостасуваше разбирање за играта. Порто победи заслужено, ние мора да им честитаме. Нивото на нашата игра беше недоволно. Се разбира, на играчите кои беа долго отсутни поради повреда им треба време да ја достигнат својата оптимална форма. Можевме да одиграме подобро, но за жал не беше наша вечер и ги плативме грешките, истакна Пиоли.

По три кола Милан е последен на табелата во Б-групата без освоен бод. Води Ливерпул со девет, пред Атлетико и Порто кои имаат по четири бода.