Ракометарите на Еурофарм Пелистер гости на АЕК во Атина

Ракометарите на Еурофарм Пелистер вечер во Атина ќе се сретнат со домашниот АЕК со што ги продолжуваат натпреварите од ЕХФ ракометната Лига Европа.

Битолчани со нескриен оптимизам отпатуваа за Грција и со желба за ново спортско изненадување на гостински терен.

– АЕК е квалитетен тим, а потврда за тоа се досегашните одлични резултати. Во Атина допатувавме за да победиме и тоа е нашиот најголем мотив. Според нашите анализи тие негуваат брз ракомет и без калкулирање, но ќе докажеме дека сме подобри од нив и ќе ги победиме, изјави во пресрет на вечерашниот натпревар во Атина, Марко Кизиќ, чувар на мрежата на македонскиот вицешампион.

Средбата меѓу АЕК и Еурофарм Пелистер почнува во 18.45 часот, а ќе ја судат француските арбитри Пишон и Ревеје.