Во штипската населба Железничка се асфалтираат три улици

Во штипската населба Железничка во тек се градежни активности за изградба на три улици.

Градоначалникот на Општина Штип, Иван Јорданов вели дека веќе се става тампон на улиците, за да почне асфалтирањето. Инвестицијата од 1.400.000 денари е на Општина Штип.

-Можете да забележите дека фазно влегуваме во секоја населба, а овде деновиве ќе почне асфалтирањето, поставување на асфалтниот слој и ставање во функција. Сакам да ја искористам оваа прилика да најавам дека доколку временските услови ни дозволат ќе продолжиме со асфалтирање на улици и во другите населби, вели Јорданов.

Посочи дека во најава е и изградба на нови улици во населбата Балканска и изградба на паркинг каде што се отсранете лимените гаражи во населбата 8 Ноември. Најави дека ќе се зголемат и средствата за изградба на патна инфраструктура за населбите во градот Штип.