Кукуловски: Партизан е непознат противник за нас, но против секој ривал одиме на победа

Ракометарот на Еурофарм Пелистер, Дејан Кукуловски очекува добар натпревар со Партизан во регионалната СЕХА лига.

– Партизан е непознат противник за нас. Сепак, наша цел е победа и добро се подготвуваме за овој натпревар. Добредојден ни е овој натпревар пред продолжувањето на Лига Европа. Можеме далеку да стигнеме оваа сезона во СЕХА лигата. Добро сме спремни и против секој ривал играме на победа. Се надевам дека ќе стигнеме до добар резултат сезонава, изјави Кукуловски.

Слично размислува и Бојан Маџовски

– Партизан за нас е непозната екипа, но добар тест за европските натпревари. Можам да кажам дека имаме добар ритам и на добар пат сме и целиме на полуфинале во СЕХА лигата годинава.

Натпреварот Партизан – Еурофарм Пелистер се игра утре од 17:30 часот во Белград.