ЗОИ: Херман победничка во биатлонот на 15 км.

Германската биатлонка Дениз Херман го освои златото на Олимпијадата во Пекинг во индивидуална трка на 15 километри.

Херман патека ја мина со време 44:12.7 секунди.

Второто место го зазеде Французинката Анаис Шевалие-Буше со 9,4 секунди побавно време од победничката.

Бронзениот медал и припадна на на Норвежанката Марта Олсбу Ројзеланд која трката ја заврши со 15,3 секунди послабо време од Херман.

Триесет и тригодишната Херман е освојувач на бронзен медал на Олимписките игри во 2014 година во скијачка штафета во крос-кантри. Покрај тоа, таа е светски шампион во биатлон во 2019 година во потера.

За германската репрезентација ова е втор златен медал на Олимписките игри во Пекинг.