Вoлас: Русија со план да започне нуклеарни стратешки вежби

Британскиот министер за одбрана, Бен Вoлас изјави дека Русија планира наскоро да започне со нуклеарни стратешки вежби, па предупреди дека активностите на Кремљ, одат во погрешен правец и покрај напорите за дипломатско решение.

Велика Британија има податоци дека Русија учествува во плановите на таканаречени операции „лажни знамиња“, како изговор за напад врз Украина, но и за спроведување кибер напади и други дестабилизирачки активности, тврди Вoлас.

– И покрај зборовите, се оди во погрешна насока. Русите уште зголемуваат тактички единици. Планираат наскоро да започнат нуклеарни стратешки вежби, ние гледаме и други активности, појасни Вoлас за радио Би-Би-Си.