Костовски: Бутелчани ќе добијат нов урбан парк од 3000 метри квадратни

НОВ ПАРК ВО ОПШТИНА БУТЕЛ НА 3000m2

Денес заедно со Град Скопје започнуваме со изградба на нов парк кој ќе се протега на 3000 m2 во населеното место Расадник!

Првата фаза опфаќа 1496m2 по што веднаш ќе започне и втората фаза која ќе опфаќа над 1500m2 со што вкупната површина на новиот парк ќе изнесува над 3000m2!

Она што до пред некое време беше депонија наскоро го претвараме во модерен урбан парк и ново прекрасно катче за граѓаните на Општина Бутел!

Паркот ќе содржи нови патеки за пешачење, посебен систем за наводнување, зимзелени и листопадни дрвца, нови летниковци како и содржини за најмладите.

Наскоро и фудбалското игралиште кое што се наоѓа во овој потег ќе биде комплетно реконструирано!

Го менуваме ликот на Општина Бутел!