Кумановец измамен за шест илјади денари за набавка на огревно дрво

Седумдесет и тригодишен кумановец пријавил во полицијата дека бил измамен за 6.000 денари за набавка на огревно дрво, соопшти денеска полицијата. Тој ги платил, но не ги добил дрвата.

– Вчера во 13.15 часот во СВР Куманово 73-годишен маж пријавил дека бил измамен од едно лице за сума од 6.000 денари. Според пријавеното, откако лицето му понудило огревно дрво и тој му ги дал парите, се упатиле на местото каде наводно биле складирани дрвата. Притоа, како што стои во пријавата, лицето му кажало дека ќе се врати, откако ќе провери до каде е камионот за транспорт на дрва, но не се вратило, информираат од СВР Куманово.