Унгарија ќе распореди дополнителни воени сили на границата со Украина

Унгарија ќе распореди војници во близина на границата со Украина, делумно како дел од подготовките за хуманитарни задачи, соопшти денеска Министерството за одбрана.

„Безбедноста на Унгарија е најважна, ја зајакнуваме украинско-унгарската граница“, се наведува во соопштението.

Во соопштението на унгарското Министерство за одбрана се посочува дека поради украинско-руската криза, одбраната на границата и подготовките за хуманитарната мисија се подеднакво важни задачи.