Надал: Не верувам дека повторно ќе бидам рекет број еден

Шпанскиот тенисер Рафаел Надал (35) изјави денеска оти не верува дека повторно би можел да биде прв тенисер во светот, издвојувајќи ги физичките проблеми како причина за тоа.

– Мислам дека тоа време помина. За жал, моите физички проблеми ме спречуваат да се надевам дека повторно ќе бидам број еден, изјави Надал на конференција за новинари во Акапулко, каде шпанскиот тенисер вчера ја мина првата пречка, совладувајќи го Американецот Денис Кудл со 6-3, 6-2.

Надал годината ја почна со трофеј на Австралија Опен и ја освои рекордната 21 грен – слем титула во кариерата.

Шпанецот прв пат стана најдобар тенисер на АТП листата во август 2008 година, а последен пат беше светски рекет број еден во јануари 2020 година.