Македонските млади репрезентации ги добија противниците за ЕХФ шампионатите

Македонската младинска, како и кадетската репрезентација, денес ги добија ривалите за ЕХФ шампионатите откако беше извршена ждрепка во Виена.

На младинското Европско првенство (за ракометари до 20 години) кое ќе се одржи во Варна, Бугарија од 14 – 23 јули оваа година, македонската репрезентација ќе игра во А-групата заедно со Израел, Литванија, Грција, Луксембург и Велика Британија.

Кадетите (до 18 години) од 8 – 14август во Рига, Летонија ќе играат во А-групата каде ривали ќе им бидат: домашната селекција, Турција и Косово.