Без струја утре повеќе улици низ Центар

Повеќе улици во општина Центар утре ќе бидат без струја, информираат од Регионалниот центар за управување со кризи на град – Скопје.

Утре во периодот од 9 до 11 часот, без струја ќе бидат корисниците од улица „Славејко Арсов“, број 28, 30, 32, 34, 36 и 38. Додека, од 9 до 14 часот, корисниците од улица „Партение Зографски“ лоцирани на потегот помеѓу раскрсниците со улиците „Црниче“ и „Рилски Конгрес“. Од 10 до 14 часот, пак, без струја ќе бидат и корисниците од улиците „Марија Бурсаќ“, „Вардарска“ и „Браќа Кошулчеви“, како и корисниците од „Кеј 13 Ноември“ од број 99 до број 110.