Викендов во Куманово санкционирани 131 возач
Кумановската полиција викендов санкционираше 131 возач во Куманово, од нив 68 за брзо возење, а 25 за возење под дејство на алкохол, соопшти денеска СВР Куманово.
Во засилените акциски контроли во областа на сообраќајот, изминатиов викенд биле санкционирани и шестмина возачи кои возеле без возачка дозвола.
Од СВР Куманово информираат дека засилените акциски контроли ќе продолжат и наредните денови. Од полицијата апелираа до учесниците во сообраќајот да ги почитуваат сообраќајните правила и прописи и да придонесат за побезбедни патишта.
