Зејтин, брашно, сол, сирење, ориз, шеќер и зденки украдени од детска градинка во Велес

На 14.03.2022 во СВР Велес е пријавено дека од детска градинка на ул.„Коле Цветков“, од магацинскиот простор, биле украдени поголема количини различни производи.

Полициски службеници извршиле увид на местото и се работи на расчистување на случајот.

Според информациите во медиумите пак повеќе од 10 пакети масло за јадење, околу 100 килограми брашно, зденки, сол, сирење, ориз, шеќер е украдено од магацинскиот простор на детската градинка.