Тетовчанец изградил дивоградба во кругот на Клиничкиот центар во Тетово

СВР Тетово поднесе кривична пријава против И.С.(54) од Тетово, поради постоење основи на сомнение за сторени кривични дела „узурпација на недвижности“ и „бесправно градење“.

Во периодот од 2020 до 2022 година, пријавениот земал во владение недвижен имот кој е во државна сопственост, а се наоѓа во кругот на Клинички центар Тетово, каде без одобрение за градба зафатил површина од 100 м2 и изградил објект со бетонска подлога и метална конструкција.

Од преземените мерки било констатирано дека за наведениот објект не е поднесено барање за утврдување на правен статус и не поседува дозвола за поставување на урбана опрема.