Ангелова: Градот Скопје ќе ја реконструира улицата ,,Скоевска” во населба Радишани

Емилија Ангелова, советничката во градот Скопје на денешната седница на Советот, говореше за одлуката за меѓу општинска соработка донесена помеѓу градот Скопје и општина Бутел, одлука со која ќе се реконструира улицата ,,Скоевска” во населба Радишани.

Ангелова рече дека ова е најголема улица во Радишани која е направена во 1982 година и е улица која ги поврзува првиот и вториот крак, поминува низ целата населба и е нејзина главна артерија.

- На оваа улица, последен пред 12 години сменети се само ивичњаци и тротоари и од тогаш нема направено никаква поправка, реконструкција и слично. Пропадната е, има дупки, небезбедна е за сообраќај а низ неа поминуваат многу жители од улицата, вклучувајќи ги и оние кои живеат во зградите каде што поминува оваа улица. Врз основа на сето ова и поради грижата за безбедноста на граѓаните на Скопје, на општина Бутел, населба Радишани, направена е проценка од страна на изработувач на проектната документација и констатирано е дека за реконструкција на улицата ,,Скоевска” потребни се 23.946.455 денари со вклучен ДДВ за реконструкција на 1800 метри од улицата и 4-те краци. За реализација на оваа реконструкција на улицата, градот Скопје ќе распише јавна набавка за избор за најповолен изведувач. Во однос на сето ова, ја поздравувам и позитивно ја оценувам оваа одлука за меѓу општинска соработка, а сѐ во интерес за доброто на граѓаните на општина Бутел, населбата Радишани – рече Ангелова.