Скопје домаќин на Светското ракометно првенство за јуниорки

Светското јуниорско првенство во женска конкуренција ќе се одржи ова лето во Скопје, одлучи денеска Меѓународната ракометна федерација (ИХФ).

Завршниот турнир до 18 години во женска конкуренција требаше да го организира Грузија, но поради безбедносната состојба поврзана со војната во Украина, ИХФ донесе одлука да го премести Светското првенство во Македонија.

– Голема благодарност упатуваме до ИХФ за укажаната доверба, соопштија од попладнево Ракометната федерација на Македонија.

Планирано е Светското првенство да се одржи од 30 јули до 10 август во СЦ „Борис Трајковски“ и „Јане Сандански“.