Во рамките на акцијата за чистење на општината Центар се одложени 35 кубни метри кабаст отпад

Во рамките на акцијата за пролетно генерално чистење на општината Центар досега беа одложени 35 кубни метри кабаст отпад во специјалните садови што ЈП Комунална хигиена-Скопје ги постави на пет локации во оваа скопска општина.

Екипите на Претпријатието секојдневно реализираат и активности за машинско метење и миење на булеварите, улиците и автобуските постојки во општината, како и миење и дезинфекција на сите контејнери поставени на јавни површини, вклучително со нивните микролокации. Активностите за чистење на општината Центар ќе продолжат да се одвиваат сѐ до крајот на тековната седмица.