Стефковски: Поставени се нови парковски елементи изработени од дрво на повеќе локации во Парк шумата „Гази Баба“

Парк шумата Гази Баба збогатена со нови содржини за рекреација и пријатен престој за посетителите

Екипите на ЈП „Паркови и зеленило“, по налог на Град Скопје, а во координација со општина Гази Баба деновиве поставија нови парковски елементи изработени од дрво на повеќе локации во Парк шумата „Гази Баба“

Во паркот се поставени два нови видиковци, а изработени се и два големи рекреативни елементи, еден мал рекреативен елемент, како и дрвена куќичка за деца и пет комплети на маси со клупи.

Во паркот е уреден и нов парк за домашни миленици со соодветни реквизити и нуди одлични можности за нивна рекреација.

Ова е уште едно дело на одличната соработка на општина Гази Баба и Градот Скопје за што јавно благодарам на градоначалничката Данела Арсовска и на ЈП Паркови и Зеленило.