Костовски: Завршен е новиот парк во Расадник на над 3000 метри квадратни

Денес заедно со градоначалникот на Град Скопје Данела Арсовска го пуштивме во употреба целосно урбанизираниот нов парк во населеното место Расадник кој беше изведен од страна ЈП Паркови и зеленило.

Граѓаните на општина Бутел добија нова зелена површина, нова зелена вегетација, нанесена е висококвалитетна почва, формиран е тревник со посебен систем за полевање капка по капка, а поставени се и хидранти и прскалки со што ќе се овозможи континуирано одржување на паркот.

Она што до пред само некој месец беше запуштено место, денес е нова урбано уредена површина.

Наскоро и фудбалското игралиште ќе биде пуштено во употреба кое ќе биде со специјална подлога за фудбал. Со тоа целиот овој потег ќе добие сосема нов лик!