Прв концерт на авторска музика на „Д Чикс“ во Велес

Велешката популарна женска група „Д чикс“ синоќа на сцената на амфитеатарот во Младинскиот парк го одржа својот прв концерт насловен „Travelers”, на кој изведоа само авторска музика.

Музика и aранжман е на Александар Чекреџи – Чекре, текстот на „Д чикс“ и Александар Ристовски-Принц, а микс мастеринг на Златко Симионски – продукција „Зеле ДоРеМи“. Настанот беше поддржан од Општина Велес.

Групата „Д Чикс“ е формирана во 2016 година и досега има учествувано на манифестации и хуманитарни забави во Велес и во повеќе градови во земјава.

Групата ја сочинуваат Сандра Јордановска, дипломиран правник, Моника Георгиева, дипломиран лекар и Наталија Мејанџиева, дипломиран економист.