Концерт на акустичното трио „Good Habits“ во паркот пред КИЦ

Културно-информативниот центар Скопје вечер ќе организира концерт на акустичното трио „Good Habits“ кој ќе се одржи во паркот пред КИЦ.

Триото ќе изведе познати и култни песни на повеќе јазици и од различни култури, преточени во акустични аранжмани на македонски музичари.

Триото „Good Habits“ е формирано минатата година во Скопје и изведува музика од повеќе жанрови: џез, фанк, блуз итн.

Членови на триото се Кристијан Гиноски (вокал), Иван Петровски (гитара) и Дејан Митровиќ (бас гитара). Тие се активни на македонската музичка сцена повеќе од 12 години со повеќе групи и проекти.