Изложба на фотографии од Ник Кејв за почеток на „Скопје Синема Сити“
Осмото издание на фестивалот за музички документарни филмови Скопје Синема Сити ќе се отвори со изложба српскиот рок фотограф Немања Ѓорѓевиќ. Изложбата е насловена како „They Long for the Light of Your Touch" и е комплетно посветена на овогодинешниот лауреат на фестивалот Ник Кејв кој ќе добие признание за животно дело.
Изложбата ќе се одржи на 29. јуни со почеток во 20:00 часот во галеријата на КИЦ.
Фестивалот е поддржан од Агенцијата за филм, Министерството за култура на РМ, Кинотека на РМ, Културно информативниот центар, Здружение на Србите во Македонија „Спона“, а во организација на здружението Номад-Арт.
Немања Ѓорѓевиќ е рок фотограф, видео режисер и уредник на порталот Балканрок, и зад себе има бројни самостојни изложби: „Расчекор“ (2012) како дел од турнејата на бендот Blockout, „Сенките на звукот“ (2015), „Небесна тема“ (2016) посветена на Влада Дивљан, „Искреност“ (2017), „Beating Drum is a Heart“ (2020) и „Марк Ланеган: Ланегановиот пат кон утрешницата“ (2022).
Учествувал и на бројни групни изложби меѓу кои се истакнуваат традиционалните „Рок моменти.“ Исто така имал изложби во рамките на фестивалот Егзит во Нови Сад, Арсенал Фест во Крагуевац, Демофест во Бањалука и Дум Дум фест во Лесковац. Неговата изложба насловена како „They Long For the Light of Your Touch” со фотографии од бројните концерти на Ник Кејв во Белгaрд, Загреб и Нови Сад и ќе биде премиерно поставена во регионот.
