Борачот Нуров обезбеди прв медал за македонските спортисти на Медитеранските игри

Борачот во слободен стил во категоријата до 97 килограми, Магомедгаджи Нуров, го обезбеди првиот медал за македонските спортисти на Медитеранските игри, откако вечерва обезбеди пласман во финалето со победа над Мостафа Елдерс од Египет.

Нуров избори место во утрешното финале со убедлива победа вечерва од 6-1 на поени против неговиот египетски противник.

Претходно на Медитеранските игри, чиј домаќин е алжирскиот град Оран, македонскиот борач Нуров обезбеди три победи со технички туш против противници од Тунис, Алжир и Шпанија