Стефковски: После 30 години жителите на Јурумлери добиваат асфалтирани улици

Градоначалникот на општина Гази Баба Бобан Стефковски на својата официјална страна на фејсбук информираше дека продолжила акцијата за асфалтирање на локални улици со асфалтирање на улица 4 во населеното место Јурумлери.

Во објавата на фејсбук, градоначалникот Стефковски напиша:

После 30 години жителите на улица 4 во Јурумлери повеќе нема да газат во кал.

Акцијата за асфалтирање на локални улици продолжи денес со асфалтирање на улица 4 во Јурумлери. Изминатите денови се асфалтираа локални улици во повеќе населени места и истото ќе продолжи и во следните денови.

Новото време за нашата Гази Баба преставува концепт на работа со визија, програма и план кои значат реализација на проекти во сите населени места. - напиша Стефковски