Победа и реми на македонските селекции на шаховската Олимпијада

Половичен успех остварија македонските селекции во 5. коло на 44. шаховска Олимпијада во индискиот град Ченај.

Машката репрезентација не ги исполни очекувањата против релативно послабиот противник Велс и одигра 2-2, а партиите на сите табли завршија со реми.

Македонската женска шаховска репрезентација го совлада Тајван со 3-1, а цел поен донесоа Ивана Манова на првата и Леа Ефтовска на третата табла, додека Драгана Николовска и Моника Жежовска ремизираа со своите противнички.

Во рамки на 6. коло, машката репрезентација денеска ќе игра против Сирија, додека шахистките за противник ја имаат репрезентацијата на Финска.