Нова атмосферска канализација на улица „Никола Тримпаре“

На барање на жителите, Општина Центар денеска започна со поставување на нова атмосферска канализација на крак од улицата „Никола Тримпаре“. Вкупната должина на канализацијата изнесува 40 метри, а се поставуваат и нови сливници.

Како што информираат општинските власти, со новата атмосферска канализација ќе се регулира излевањето на атмосферските води и жителите ќе можат слободно да се движат по реконструираната патека.

Покрај оваа реконструкција, која ќе биде завршена идната недела, во моментов Општина Центар ги реконструира улиците „Петар Поп Арсов“ и „Козара“, а следни за реконструкција се улиците „Рајко Жинзифов“, „Адвокатска улица“ и пробивањето на улицата „Партизанска“.