БиХ го освои 46-то издание на традиционалниот турнир „Чајка“

Со два долги и неизвесни натпревари во салата „Војвода Ѓорѓи Стојанов“ во Крушево заврши 46-то издание на меморијалниот одбојкарски тунир „Бранко Хаџииљоски – Чајка“ со којшто традиционално се одбележува ликот и делото на основоположникот на одбојката во тетовскиот регион.

Сениорскиот состав на Босна и Херцеговина го освои првото место со три победи на три натпревари, совладувајќи ја во директниот дуел за врвот во саботата вечер најдобрата репрезентација на Македонија, по голема борба со 3:2.

Македонскиот тим за одбојкарки до 19 години го зазеде четвртото место иако во пресметката со селекцијата на Косово во истата возрасна категорија водеше со 2-0 во сетови.

За најуспешна техничарка на турнирот беше прогласена организаторката на играта на Босна и Херцеговина, Милана Божиќ, а најкорисна одбојкарка на турнирот беше Добрина Хаџи Тосева од сениорскиот македонски тим.

Постхумно беше доделена награда на Тошо Ѓорѓиевски, познат одбојкарски работник од Крушево, а за придонесот за крушевската одбојка пригодни одликувања добија поранешниот играч, а сега делегат на ОФМ Андреј Николовски, како и градоначалникот на Крушево Томе Христовски.