Унгарци ќе му судат на Шкупи на реваншот во Приштина

УЕФА одреди унгарски судии за реваншот на Шкупи против Балкани идниот четврток во Приштина во рамки на реванш натпреварот од баражот за пласман во Лигата на конференции.

За главен арбитер е назначен 43-годишниот Иштван Вад, кој суди со знакот на ФИФА и УЕФА од 2007 година, а во кариерата ја делел правдата на натпревари во групната фаза на Лигата на шампиони и Лига Европа.

Шкупи на првиот натпревар одигран вчера на Националната арена „Тодор Проески“ во Скопје загуби со пресврт со 2-1.

Поуспешниот тим од пресметката меѓу Шкупи и Балкани ќе обезбеди место во групната фаза во УЕФА К0нференциската лига.

Жрепката за составот на групите е закажана за 26 август во Нион.