Одржување на вертикална и хоризонтална сигнализација на градските улици и булевари

Екипи на ЈП Улици и патишта во изминативе денови ги санираат, односно ги исправуваат оштетените и ги заменуваат со нови отстранетите сообраќајните знаци на улиците и булеварите во Централното градско подрачје.

Секојдневната контрола и обиколка е дел од тековните активности на дежурните екипи кои ја одржуваат сообраќајната сигнализација и опрема на градските улици.

Деновиве со ноќното обележување е обновена хоризонталната сигнализија на булеварот Гоце Делчев, улица Лазар Личеновски, улица Даме Груев, Димитрие Чуповски,улица Самоилова и другите сообраќајници во општина Центар.

Екипите продолжуваат и во наредниот период со ноќното обележување на хоризонталната сигнализација по утврдената динамика од Град Скопје, како и со контрола и санација на сообраќајните знаци на сите места каде што има потреба за интервенции.