Стефковски: Градинките обезбедуваат здраво и среќно детство

Градоначалникот на општина Гази Баба Бобан Стефковски беше во посета на клонот Детелинка во рамки на градинката 25 Мај.

За посетата на градинката, градоначалникот Стефковски информираше на својата официјална страна на фејсбук на која напиша:

Среќен престој во градинка им посакав на дечињата во клонот Детелинка во рамки на градинката 25 Мај. Утрово ја посетив и градинката 25 Мај во клонот Детелинка каде на дечињата им посакав пријатен престој исполнет со многу другарување. Градинка е со примарна цел да обезбеди здраво и среќно детство на секое дете. Наша заложба како локална самоуправа е да создадеме услови градинката да биде убаво и пријатно место каде детето ќе се дружи со многу други дечиња, ќе игра, црта и пее. Градинката е место каде нашите дечиња го започнуваат својот долг животен пат на образование и воспитание. На сите дечиња кои денес тргнаа во градинка им посакувам денови исполнети со радост, среќа и другарување. - напиша Стефковски.