Кирјос ќе плати највисока казна во историјата на УС Опен

Австралискиот тенисер Ник Кирјос ќе мора да плати највисока казна во историјата на УС Опен, во износ од 11.000 долари, поради неспортско однесување, плукање и пцости за време на дуелот од второто коло во кое триумфираше над Французинот Бенжамен Бонзи со 7:6 (4), 6:4, 4:6, 6:4.

Кирјос честопати плукаше во насока кон својот противник, извикуваше непристојни зборови, а влезе во кавга и со својата девојка Костин Хаци, која од трибините го следеше натпреварот во Њујорк.

– Оди си дома ако не сакаш е … да ме поддржуваш, и порача Кирјос на својата девојка што можеше да се забележи на телевизисокиот пренос.

Австралискиот тенисер во третото коло ќе игра против американскиот тенисер Џефри Џон Волф.